Kali i Trojës

* Historia thotë se Odiseu hileqar i mposhtur nga trojanët, kishte vendos të të bënte një kalë prej druri, i cili brenda do ishte boshe dhe do e mbushnin me ushtarë. Kjo do të ishte rruga më e mirë për të hyrë dhe pushtuar Trojën…

Seç më koinçidon kjo gjendja jonë në Luginë në përgjithësi e veçanërisht në Komunën e Preshevës me Kalin e Trojës,…!

Ne, jo se ishim në epërsi nga  “Odiseu”, se ai diktator mbeti në vazhdimësi për ne. Si para ashtu edhe pas luftës, kjo nuk do mend se përditë e më shumë po na shkelen të drejtat tona. Por, kishim një kohezion, pak kishim divergjenca, ishim po thuaj homogjen. E për ta thyer këtë pak të mirë që kishim, “Odiseo” na i qoji “Kalin e Trojës”. Ashtu të shenjtë e shpëtimtarë e besuan sikur trojanët, edhe te ne, shpresuan e besuan  ndryshimin, e ai erdhi mu si në Trojë.

Si triumfues i besimit të 18% të numrit të përgjithshëm të të regjistruarve në listën zgjedhore të Komunës së Preshevës, apo shtatë mijë votuesve, deshi të na i ndërroj Flamurin Kombëtarë neve shqiptarëve të këtushëm, që i rezistuam “Odiseut” e dreqit e të birit të tij  të mallkuar dem baba dem, duke e larë me gjak që ende nuk është thar… e kjo sipas tij do të bëhet vetëm  duhet një “kohezionit politik” dhe  “me rellaks, qetësi e dashuri”…

Deshi të na i “rrit popullsinë”, shenjtori, me refugjatë nga Kroacia, Bosnja e nga ku jo,  përmes Planit të famshëm Aksional, por hasi në reagime të shpejta, e për të u arsyetuar akuzoi të tjerët për “Fälschung” – falsifikim,…

Ekonomia, zhvillimi i saj ishte kauza, përmirësimi i jetës së qytetarëve, avancimi i  rinisë…e cila besoi, përfaqësimit të mërgimtarëve në vendimmarrje, e besuan se gjë e mirë në dëgjim, ujë, fabrika, shkolla, rrugë, i shpalli luftë korrupsionit, nepotizmit, politizimit, premtoi përfaqësim të denjë, unitet, zgjidhje të shpejtë të të drejtave tona të nëpërkëmbura me qasje gjermano evropiane ( si adoleshent 12 vjeçar që ishte kur u vendos Muri i Berlinit, kishte marrë përvojë në zgjidhje të problemeve) sepse këta të tjerët nuk dinin…

…plusk sapuni, era më e vogël e prishi, kënaqësia e ardhjes së shenjtit ndër trojan u prish…Kali i Trojës në mëngjesin e një dite të qetë nxori nga barku mercenarët bashkë me Odiseun dhe bëri masakër të paparë në Trojë…dëshpërim…

E tek ne dëshpërimi nisi nga zhvillimi ekonomik – dhjetëra ndërmarrje të militantëve, të hapura pas zgjedhjve, të afërt “shenjtit” u subvencionuan e u ndihmuan materialisht; Rinia – avancimi i rrethit të ngushtë e votuesit e ri ia mësyn vendeve që “shenjtori” i kishte lënë për të na “ndryshuar gjendjen neve të padijshmëve”; Mërgata – as “p” nga përfaqësimi i tyre në vendimmarrje; Uji i pijshëm –  më shumë pa të se me të, miliona dinarë investime; Fabrikat – “po na i ndotin ajrin aq shumë janë bërë”, Shkolla të reja – pak problem me tenderë;  Rrugë – ah rrugët shumë fitimprurëse për shenjtorët; Korrupsioni – zero, në fakt a, gjykata  jo, jo s`bëhet fjalë; Nepotizëm – jo pak a; Politizim – hiç, gjithkund intelektual e profesionistë të pavarur në institucione; Përfaqësim të denjë – gjithsesi tre kandidat për deputet, të shkolluar deri në gradat më të larta, dy këshilltarë komunal ( një e larguar arsyeshëm nga dëshpërimi dhe një që e “përqafoi vullnetshëm” projektin e “shenjtorit”  nga partitë tjera për ta bërë shumicën, në çdo tre muaj pak para seancave të domosdoshme ligjore nga një këshilltarë i “rehatuar” ; Uniteti – nënë e përçarjeve, shpifjes e mashtrimit; Zgjidhje të shpejtë të të drejtave tona – veç pesë vite në politik dhe as “z” nga zgjidhja e problemeve tona…

…për kalin e drunjtë trojanët e lodhur nga rrethim i vazhdueshëm besuan se ishte i shenjtë dhe ishte bërë për perëndinë Athena. Këtë storie e besuan të gjithë përveç priftit, i cili u tha që ta digjnin kalin, po askush nuk e besoi. Gjithçka ne atë kalë ishte kurth…

p.s Kjo analizë  përfaqëson vetëm bindjet e autorit dhe askujt tjetër!

Shpërndaje me të tjerët...
Share on Facebook
Facebook
Tweet about this on Twitter
Twitter
Email this to someone
email
Print this page
Print
Share on LinkedIn
Linkedin
Share on Tumblr
Tumblr
Më shumë nga Dr prof. Baki Rexhepi

RIBOTIM: HEKURUDHA – KUFIRI I RI SHQIPTARO-SERBË

* Prolongimi i zgjidhjes së statusit rrezik si për ndarjen e Kosovës,...
Lexo më shumë

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *