KEQINFORMIMI I BOMBARDIMIT TË NATO-s

* Lufta. Mendohuni! Çka do të thotë kjo fjalë për ju? Cilat janë fjalët e para që iu vinë ne mendje kur përmendet kjo fjalë?

Po e definojmë luftën si një konflikt të armatosur mes dy apo më teper shteteve (apo dy e më tepër grupacioneve të mëdha). Problemi themelor i luftës është se ai përfshin vdekjet dhe vuajtjet e njerëzve të pafajshëm, të cilët në rrethana të zakonshme duhet të bënin luftë për të drejtat njerëzore që i posedojnë, e jo për tu bërë viktima të një lufte në të cilën shkelen të drejtat njerëzore për qëllime personale të oligarkëve politik.

Të gjithë flasim për LUFTËN E KOSOVËS (1998-1999), shumica flasim prej gojëdhënave, disa prej imazheve, inçizimeve, por pak flasim me anë të të dhënave të sakta e të dokumentuara nga institutet profesionale apo organizatat ndërkombëtare që e kanë si detyrë t’i studiojnë këto çështje.

Por, a janë këto fakte të besueshme dhe sa do të ekzistojnë që të mbesin në histori në të ardhmen? I vetmi mjet argumentues mbetet dokumenti, ai të cilin ne shqiptarët, e kemi gjithmonë mangët, përshkak të anashkalimit që i kemi bërë historikisht.

Ngjarja që rri ende si e freskët është bombardimi i NATO-s mbi shtetin e atëhershëm të Serbisë dhe Malit të Zi (Serbia and Montenegro). A e keni ditur se sa është numri i saktë i viktimave? A ishin civilë apo a ishin ushtarë? Më poshtë do të iu sjell disa të dhëna të grumubulluara nga Humanitarian Law Center (Fondi për të drejtën humanitare). Ata merren me: Dokumentacionin, Reformën në drejtësi të institucioneve, arsimimin, memoralizimin dhe qasjen e të dhenave reale tek njerëzit.

Qendra për të Drejtën Humanitare në Kosovë publikoi në vitin 2014 listën e individëve që vdiqën si pasojë e bombardimeve të NATO-s në ish-Jugosllavi. Sipas kësaj liste, sulmet e NATO-s vranë një total prej 754 personash: 454 civilë dhe 300 anëtarë të forcave të armatosura.

CIVILË:207 civilë ishin të përkatësisë etnike serbe, 219 ishin shqiptarë, 14 civilë romë dhe 14 ishin të kombësive të tjera.

USHTARË: Nga pjesëtarët e forcave të armatosura u vranë 274 pjesëtarë të ushtrisë jugosllave/Policisë së Serbisë dhe 26 pjesëtarë të UÇK-së (të dhënat më të hollësishme janë shkruara në burimin e mëposhtëm – nr. 1)

Për të ditur:

  1. Prej bombardimeve të NATO-s vdiqën më shumë civilë shqiptarë (219) sesa serbë (207)
  2. Më shumë se 50% e të vrarëve dhe të zhdukurve në Luftën e Kosovës (nga 13,535 në total) u kryen pas fillimit të bombardimeve nga NATO.
  3. Ekzistojnë statistika zyrtare për çdo të vrarë, të ndarë sipas emrit, mbiemrit, ditëlindjes dhe vendit të vdekjes. (në burimin e mëposhtëm – nr. 3)

Nr. 1 – The Kosovo Memory Book Database
http://www.hlc-rdc.org/?p=34890&lang=de

Nr. 2 – Ljudski gubici u NATO Bombardovanju (Srbija, Kosovo i Crna Gora)

Te gjithe personat e vrarë gjatë bombardimeve (Nga Serbia, Kosova dhe Mali i Zi)
http://www.hlc-rdc.org/db/nato/index.html

Shpërndaje me të tjerët...
Share on Facebook
Facebook
Tweet about this on Twitter
Twitter
Email this to someone
email
Print this page
Print
Share on LinkedIn
Linkedin
Share on Tumblr
Tumblr
Më shumë nga Fatlind Azizi

LUGINA E PRESHEVËS SI “MOLLË SHERRI” MES KOSOVARËVE

* Derisa bisedimet po vazhdojnë, apo edhe po ngecin kinse nga fjalët...
Lexo më shumë

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *